【保養手機竅門】想提升手機嘅Trade-In價值?快啲入嚟睇下!


有無試過trade-in舊手機嘅時候,最終報價比想像中低好多?只要做好以下三件事,你嘅手機就會更值錢!TradeGoDee教你點樣保養手機,以後就唔會俾過低嘅報價嚇親啦!
注意電池健康度
手機外觀固然重要,但內部硬件嘅受損程度一樣影響trade-in時嘅報價。電池健康度低嘅話,手機充電後可使用時間亦會較低,所以健康度好影響估價㗎!

要維持電池健康度,可以將手機電量盡量維持喺65% - 80% ,並避免喺電量剩下低於20%時先充電,咁樣會令電池壽命縮短。而充電同時使用手機嘅話,會加大電池負擔,所以都可免則免啦。

手機如果一直處於滿電狀態,有可能令電池受損,所以瞓覺時唔好將手機充過夜,以免影響電池健康度。
揀好螢幕保護貼
刮花或跌爛手機螢幕嘅時候,不但影響日常使用,亦會影響到trade-in手機時嘅估價,所以癡螢幕保護貼係必不可少!

不過,需要注意螢幕保護貼嘅覆蓋範圍。唔係所有保護貼都做到全屏保護㗎!有啲未必可以包住螢幕邊緣。如果保護不足導致破裂,有機會擴散同變大裂痕,影響哂成個螢幕。所以覆蓋性高嘅保護貼好重要!

鋼化玻璃貼可以承受較大嘅衝擊力,起到更好嘅保護作用,所以係唔少人嘅心水。但鋼化玻璃貼一般難以完全包住手機邊緣,如果你用緊呢種保護貼,就要小心啲啦。
慎選手機殼
只要選取適當嘅手機殼,就可以全方位保護手機,就算保護貼覆蓋性低啲都唔緊要! 軍規防摔殼既防震,又防摔,品質好嘅仲可以防水。呢種機殼覆蓋性高,可以完全保護手機邊緣。但佢一般會包得手機好緊,跟全屏保護玻璃貼同時使用嘅話,保護貼可能會出現氣泡同翹邊。而且佢一般價格較高,加上手機會變得笨重,令唔少人卻步。

較多人使用嘅矽膠薄殼,雖然輕便,但厚度不足,所以好難防震防摔,頂多可以防刮傷。

考慮使用緊嘅保護貼,再衡量自己對手機保護度同輕便度嘅需求,就可以揀出最適合嘅手機殼啦。

睇完以上三大要點,相信你清楚點樣保養手機啦!如果想知自己手上嘅手機值幾錢,就快啲嚟試下TradeGoDee.com/ 嘅手機估價系統啦!一分鐘就可以完成估價啦!

想將舊手機變做現金嘅話,喺 TradeGoDee.com/ 選擇完電話型號同狀況後,系統就會即時報價。價錢啱心水,就可以預約喺指定港鐵站交收,即時現金到手!仲唔快啲一齊揾TradeGoDee換走舊手機?